Нова епизода на поткастот „Со Ана на ТИ“!

Овојпат разговаравме со актерката Емилија Мицевска, која веќе една деценија го живее театарот со полни гради. Дипломирана на ФДУ во 2014 година, денес е дел од ансамблот на Драмски театар Скопје и зад себе има богато портфолио со низа впечатливи улоги.

Со Емилија зборувавме за љубовта кон театарот и актерството, за тоа како изгледа животот зад сцената, но и за предрасудите со кои се соочуваат убавите актерки. Го отворивме прашањето за соголувањето на сцена – што значи тоа од професионален и личен аспект, и каде е границата меѓу улогата и интимата.

Ќе дознаете и што ја прави среќна, а што ја растажува – од перспектива на жена, уметница и човек кој сака да остане искрен во свет што често бара маски.

Гледајте ја новата епизода вечерва во 20:00 часот на Јутјуб каналот на „Слободен печат“.