Во Берлин денеска се изврши чинот на осветување на камен-темелникот за нова црква посветена на „Свети Климент Охридски“. Осветувањето го изврши неговото блаженство архиепископ охридски и македонски г.г Стефан во сослужение со митрополитот на Европската епархија г. Пимен и митрополитот на Тетовско- гостиварската епархија г. Јосиф со многубројно свештенство од Европа.

Пред многубројните верници што го проследија чинот на осветување на камен темелникот на новиот објект, беше организирана и богата културно – уметничка програма со музичката група „Доминанта“ и Ангел Стојкоски и фолклорниот ансамбл „Македонско Сонце” од Диселдорф.

Се претпоставува дека во Берлин и околината живеат околу 10.000 православни Македонци.

Планот за изградба на црква е подготвен од страна на архитектот Елена Цонева.