Британското кралско семејство, кое реши да му ја одземе почесната титула на принцот Хари, многу добро знае дека одмаздата најдобро се служи ладна.

Бакингемската палата претрпе тежок удар врз својата репутација и чест, кога Хари пишуваше за дел од членовите во неговата автобиографија. Сосема искрено, принцот откри дел од чуваните семејни тајни, но и нешто за улогите на луѓето кои стојат на чело на Обединетото Кралство. Целото семејство одговорија на обвинувањата со смирен тон, но сепак нашле начин да му покажат дека повеќе не е дел од семејството, пишува „Дејли мејл“.

На официјалната веб-страница на Бакингемската палата, јасно се забележува дека семејството ја отфрлило титулата „Неговото кралско височество принцот Хари“.

Според условите на договорот за „Мегзит“ од 2020 година, кога Хари и Меган го напуштија Лондон, палатата дозволи да ги задржат своите титули, но не и да ги користат формално, откако ќе се повлечат како членови на кралското семејство.

Иако споменатите титули, не се на сила од 2020 година, на некои места на веб-страницата сè уште може да се забележат траги од некои „подобри“ времиња на кралското семејство со принцот. Сепак, покрај името на  Меган Маркл, титулата беше отстранета уште пред три години, па на некои места ја нарекуваат „таа“ или „војвотката“.

Портпаролот на Бакингемската палата, објасни зошто толку доцна се случуваат официјалните промени и рече дека периодично се ажурира веб-страницата, по смртта на покојната кралица Елизабета Втора и дека сите застарени информации сега се изменети. Веб-страницата на кралското семејство содржи над пет илјади страници со информации за животот и работата на кралското семејство.