Градоначалникот на италијанскиот град Портофино рече дека туристите го претвориле градот во „анархичен хаос“ со застанувањето да фотографираат, што резултирало со блокирани улици и метеж, пишува „Би-би-си“.

Портофино воведе зони за забрането чекање за да ги спречи туристите да ги фотографираат убавите места од градот.

Туристите можат да бидат казнети до 275 евра за предолго стоење во зоните, кои ги вклучуваат најфотогеничните жаришта.

Популарната крајбрежна рибарска комуна е позната по своите шарени куќи со поглед на морето.