Поранешниот тапанар на „Бјело дугме“, Милиќ Вукашиновиќ пред нешто повеќе од еден месец беше опериран поради аневризма, а сега повторно заврши во болница, на интензивна нега, поради проблеми со дишењето, пренесуваат српските медиуми.

Откако беше хоспитализиран, тој за локалните медиуми објасни дека имал проблеми со дишењето, се гушел, а докторите ја откриле причината. По испитувањата дознале дека се работи за вода во белите дробови.

„Имам проблем со дишењето, како да сум пред умирање. Имав огромна маска за кислород, а сега имам помала. Сè уште сум на клиника и тројца лекари се грижат за мене“, изјавил за медиумите.

Во Ургентниот центар, тој веднаш бил ставен на респиратор и набрзо докторите му ја извадиле водата од белите дробови. Милиќ потврдил дека сега се чувствува многу подобро, но ќе биде задржан во болница десетина дена.

Пред да биде хоспитализиран, неговата сопруга Сузана побара помош на социјалните мрежи.

„Милитиќ. Има ли некој доктор што работи на Ургентно да ми се јави итно. Молам РТ итно е“, напишала таа.

Militch
Ima li neki doktor koji radi na Urgentnom (Opšta intenzivna nega) da mi se hitno javi.
Milim RT hitno je.

— Suzana Vukašinović (@VukasinovicSu) August 21, 2023

„Можеш да умреш за две минути“: Поранешниот тапанар на „Бијело дугме“ чека операција, се јави од болница

Поранешниот тапанар на „Бијело дугме“ се оперираше: Сопругата ја откри неговата состојба