Патрик Вајтсел (60), поранешен сопруг на Лорен Санчез, која моментално е верена со Џеф Безос, ја пронашол среќата со австралиска актерка која е речиси 20 години помлада од него. Поранешната новинарка Санчез стана позната откако го изневери холивудскиот продуцент и директор на агенцијата „WME“ со основачот на „Амазон“, 61-годишниот Безос, пишува „Дејли меил“.

Уште во 2010 година, се појави информација дека Безос ја водел тогаш венчаната Санчез на егзотични патувања и организирал тајни состаноци, додека на Мекензи Скот, со која бил во брак 25 години, го одржувал имиџот на идеален семеен маж и сопруга.

Иако не е точно познато кога Санчез и Безос почнале да се забавуваат, нивната романса беше јавно откриена во јануари 2019 година. Кратко потоа, Безос се разведе од Мекензи, со која имаше четири деца и повеќе од 25 години брак.

Откако се опорави од неверството на неговата сопруга, Вајтсел, чие богатство се проценува на 450 милиони долари, продолжи со својот живот и сега ужива во среќен брак со актерката и модел Пија (41).

Пија претходно глумеше во австралиската серија „Дома и на гости“, но откако се пресели во Лос Анџелес со Патрик, таа изгради поскромна кариера како инфлуенсерка и сопственичка на сопствена линија за нега на кожа. Тие имаат син, Еван и ќерка, Ели, додека Пија има два сина од претходна врска, Исаија (21) и Ленокс (18).