Полицијата на Малта денеска го испрашуваше поранешниот премиер Џорџ Мускат за сведочењето на бизнисменот Јерген Фенеч, осомничен за организирање на убиството на новинарката Дафне Каруана Галиција.

Мускат поднесе оставка откако во јавност е откриено дека е пријател и дека добивал скапи подароци од Фенеч кој чека да почне судењето поради наводно соучество во убиството. Фенеч ги негира обвинувањата.

Поранешниот премиер денеска беше речиси еден час во полициска станица надвор од Валета.

Тој на новинарите по излегувањето од станица им рече дека е испитуван во врска со сведочењето на Фенеч.

„Одговорив на сите прашања и полицијата повторно потврди дека не смета дека сум осомничен“, нагласи Мускат.