Додека траеше судењето на Џони Деп и Амбер Херд, вниманието на неговите обожаватели го привлече неговата адвокатка Камил Васкез. Многумина веруваа дека меѓу нив се родила љубов. Таа сега откри зошто тоа не се случило.

“Да бидеме појасни, никогаш не сум била со Џони Деп и не би го направила тоа. Мислам дека тој е прекрасна личност, но не е мој тип”, рекла таа.

Камил, која брзо се стекна со слава работејќи на овој случај, рече дека за време на првите неколку средби со Џони, сфатила дека тие двајца се сосема различни.

„Се сеќавам дека по половина час разговор со него, помислив дека тој гледа на светот толку поинаку од мене. Мислам, тој дефинитивно користи друг дел од мозокот, тој е уметник“, рече таа.

Таа исто така изјави дека допрва треба да го го гледа филмот „Пиратите од Карибите“ и дека досега го гледала само неговиот филм „Чоколадо“ од 2000 година.

Експертот за говор на телото Џуди Џејмс за Daily Mail изјави дека тие двајца не се во романтична врска, туку дека се обидуваат да го прикажат Џони како „романтичен херој“. На Камил ѝ пречеше оваа нејзина изјава.

„Ова обвинение е неосновано. Тоа е сексизам. Тажно е и разочарувачко, но не можам да кажам дека сум изненадена“, рече таа.