Екс играчот на Арсенал, Жилберто Силва, го охрабри Нејмар да го напушти ПСЖ и да се приклучи на неговиот поранешен клуб од Лондон. Ситуацијата за Бразилецот во француската престолнина станува сè покомплицирана откако навивачите на ПСЖ го повикаа напаѓачот да си замине.

Веднаш почнаа гласините за неговата иднина, а различни извори тврдат дека тој е подготвен да замине и дека неговата желба е да се пресели во клуб од Премиер лигата. Пред извесно време за него се зборуваше за интерес од Њукасл, Манчестер јунајтед и Арсенал.

– Последните неколку недели на Нејмар во ПСЖ беа многу чудни за него. Тие што отидоа пред неговата куќа не можам да се согласам со таквото однесување. Навивачите да не одат кај играчот и да протестираат. Тоа може да се претвори во вистински кошмар бидејќи е опасно и воопшто не е пријатно. Се надевам дека ова нема да му се повтори ниту на него, ниту на кој било друг играч. Сите ја знаеме класата на Нејмар, не треба да зборувам за неговите квалитети – рече Жилберто Силва.

Во француската „Лига 1“ Нејмар има учинок од 13 голови во 20 настапи за париските „светци“.

– Ми се допаѓа како игра и би сакал да го видам во Арсенал наместо во Њукасл бидејќи навистина ми се допаѓа како играч. Има уште многу да му даде на фудбалот. Имаше неколку повреди кои му го отежнаа животот, но може многу да му даде на секој клуб. Дали би се вклопил во Арсенал? Ова би била голема задача за менаџерот Микел Артета. Да почекаме и да видиме. Не сакам да зборувам за играч кој сè уште има договор со ПСЖ – вели Жилберто Силва.