Поранешната агентка на ФБИ, ЛаРеј Куј од Вајоминг била специјално обучена да „чита“ луѓе додека работела за американската агенција, а сега пишува книги и блогови. Таа открила осум начини да се утврди дали некој ви ја кажува вистината или лаже.

Создадете конекција

„Искуството покажа дека добар полицаец има подобар ефект од лошиот. Ако сте сочувствителни во разговорот, личноста побрзо ќе ви се отвори“, тврди поранешната агентка на ФБИ.

Изненадете ги

„Личноста што ве лаже може однапред да вежба одговори на некои прашања за да изгледаат природно и инстинктивно. Прашајте ги нешто што не го очекуваат и лажговците ќе се збунат“, советува таа.

Слушајте повеќе отколку што зборувате

„Лажговците зборуваат повеќе од искрените луѓе затоа што сакаат да придобијат публика“, тврди таа, додавајќи дека личноста која лаже во моменти на стрес ќе зборува побрзо и погласно и ќе го изгуби природниот тон на гласот.

Интересно, Куј тврди дека кашлањето е исто така е можен знак за лажење. Сепак, таа предупредува дека ако забележите само еден од горенаведените знаци, тоа не мора да значи дека личноста лаже. Ако забележите повеќе или сите знаци, постои голема веројатност личноста да лаже.

Забележете го начинот на кој велат „не“

„Личноста која ве лаже ќе каже „не“ и ќе погледне на другата страна, или ќе ги затвори очите и ќе каже „не“ откако ќе се двоуми“, објаснува таа.

Забележете ги промените во однесувањето

Ненадејните промени во однесувањето може да бидат знак дека личноста лаже. Ако, на пример, почне да заборава некои детали или одговори во кратки реченици и зборува формално, Кју предупредува дека оваа личност веројатно лаже. Друг добар знак е ако прекумерно користи суперлативи.

Замолете ги да ја раскажат приказната наназад

„Луѓето кои ја кажуваат вистината нема да имаат проблем да ви ги кажат сите факти без оглед на редоследот по кој зборуваат. Лажговците се сеќаваат на нивните лажни приказни како што ги замислувале и можат да ги кажат само по тој редослед“, објаснува Куј.

Премногу комплименти

„Друг знак за предупредување е ако некоја личност ве опсипува со комплименти, премногу ве фали и се согласува со сите ваши гледишта. Таквата личност веројатно ве лаже“, тврди таа.

Поставете им дополнителни прашања

„Кога поставувате дополнителни прашања и барате детали од соговорникот, без проблем ќе ви дадат одговори ако немаат што да сокријат. Ако лажат, не можат да бидат спремни на сè“, заклучила агентката.