Поранешниот холандски репрезентативец, Квинси Промес кој беше дел и од селекцијата на Холандија на Европското првенство 2020 во кое „лалињата“ играа и против Македонија е осуден на затворска казна од две години.

На 31-годишниот фудбалер му се судеше во отсуство бидејќи во овој период е во Русија каде што го носи дресот на Спартак Москва.

Промес во 2020 година на семејна забава нападнал роднина на кој му нанел тежок убод во коленото. Првичнот беше обвинет за обид за убиство, а потоа неговото дело се промени во тежок напад што за него беше олеснителна околност.

Пред судот тој се изјасни како невин, меѓутоа беа доставени аудио снимки на кој се слуша како Промес зборува со жалење зошто во тој момент немал огнено оружје.

Инаку, неодамна тој имаше проблеми со законот и откако беше обвинет за препродажба на кокаин вреден 75 милиони евра (1.300 килограми).

Скандал: Поранешен репрезентативец на Холандија обвинет за шверц на еден тон кокаин!