Поранешен соработник на Обама уапсен поради антимуслимански коментари упатени кон продавач на храна во Њујорк
Полицијата приведе поранешен соработник на американскиот Стејт департмент кој наводно упатил антимуслимански коментари кон продавач на храна во Њујорк. Стјуарт Селдовиц призна за медиумите дека тој е човекот на виралното видео на кое го нарекува продавачот „терорист“.
Препорачано
Тој тврди дека поединецот го испровоцирал изразувајќи поддршка за Хамас. Човекот именуван во извештаите како Мохамед Хусеин, негираше за медиумите дека дал какви било коментари за Хамас, пренесува Би-Би-Си.
"If we killed 4,000 Palestinian kids, it wasn't enough…"
In a separate incident, US State Department veteran Stuart Seldowitz continues his racist harassment of a street vendor in New York.pic.twitter.com/GP49aoxFzg
— Lowkey (@Lowkey0nline) November 21, 2023
Портпаролот на полицијата во Њујорк потврди Селдовиц бил приведен во средата, но рече дека деталите за какви било обвиненија не се веднаш достапни.
„Ако убивме 4.000 палестински деца, знаете што, тоа не беше доволно“ вели во видеото Селдовиц.
Во следната интеракција, прегледана повеќе од 40 милиони пати на социјалните мрежи, тој го нарекува продавачот „неук“, велејќи му дека неговото семејство може да биде измачувано од египетската тајна полиција. На снимката може да се сушне случаен минувач како вели: „Го малтретираш човеков“.
Селдовиц имал долга кариера во Стејт департментот на САД, вклучително и во Канцеларијата за Израел и палестински прашања, и бил директор на Советот за национална безбедност на Белата куќа под претседателот Барак Обама. Дејли Бист во вторникот објави дека Селдовиц потврдил дека е тој е човекот на клиповите.
„Но, знаете, во жештината на моментот, кажав работи што веројатно не требаше да ги кажам“ изјави тој.
Многу њујорчани изразија поддршка на социјалните мрежи за Хусеин, продавач на храна. Градоначалникот на Њујорк, Ерик Адамс, објави на Икс: „Исламофобијата е омраза. Јасно и едноставно“.
„Оваа гнасна, непочитувачка реторика нема дом во нашиот град. Ние ја отфрламе – и ни е мило што гледаме дека не сме сами“.
Хусеин, по потекло од Египет, за Њујорк Пост изјави дека има намера да го тужи Селдовиц.
