Американскиот рок-пејач Брус Спрингстин, најави дека ги одложува сите концерти планирани за оваа година во Америка, поради влошено здравје, односно проблеми со чир на желудникот.

Имено, Брус пред речиси три недели ги одложи концертите закажани за август и септември. А, сега тој преку социјалната мрежа „Икс“ (Твитер) напиша дека сè уште закрепнува, но и дека ќе мора да се лекува до крајот на годината.

„Брус Спрингстин полека закрепнува и до крајот на оваа година ќе го продолжи опоравувањето под лекарски надзор. Имајќи го тоа на ум, сите преостанати датуми на турнеја на Брус Спрингстин и бендот ‘Улицата Е’ во 2023 година ќе бидат одложени до 2024 година. Сите концерти ќе се одржат на закажаните места, а откако ќе бидат објавени новите датуми, оние кои купиле билети имаат рок од 30 дена да побараат враќање на парите. Сите билети за одложени концерти важат за новонајавените термини“ стои во соопштението.

Пејачот требаше до крајот на годината да ги обиколи северноамериканските градови. Турнејата започна во август, а на почетокот на септември мораше да ги откаже сите концерти закажани за тој месец.

„Им благодарам на сите мои пријатели и обожаватели за нивните добри желби, охрабрување и поддршка. Се опоравувам и едвај чекам да се видиме сите следната година“, изјави  Спрингстин.

Обожавателите во коментари под објавата му испратија желби за брзо закрепнување.

(1/5) Bruce Springsteen has continued to recover steadily from peptic ulcer disease over the past few weeks and will continue treatment through the rest of the year on doctor’s advice. pic.twitter.com/rMgZZsKcfo

— Bruce Springsteen (@springsteen) September 27, 2023

ВИДЕО | Брус Спрингстин падна на сцената и ги преплаши обожавателите