Севернокорејскиот лидер Ким Џонг-ун денеска нареди да се испрати помош во областите погодени од поплавите од кои требаше да бидат евакуирани околу 5.000 луѓе.

Снимките од јавната телевизија KCTV покажуваат поплавени куќи до покриви и оштетени мостови поради обилните дождови.

„Стотици хектари земјоделско земјиште” се поплавени во јужната провинција Хамгјонг, а патиштата и домовите се оштетени поради пукнатина на браната, додаде телевизијата.

Ким нареди испраќање градежни материјали и финансиска поддршка за покраината, објави државната новинска агенција КЦНА.