Првиот тенисер на АТП листата, Јаник Синер, лесно ја заврши својата работа во третото коло на САДОпен, совладувајќи го Алексеј Попирин со максимални 3-0 во сетови.

Во воведниот сет, Синер го искористи првиот брејк што му се укажа и рутински го доби со 6-3, навестувајќи дека нема да дозволи изненадување.

Попирин целосно потфрли во вториот сет, што Италијанецот го казни со експресно водство и сигурни 6-2.

Истото сценарио се повтори и во третиот сет, каде што Синер со два нови брејка стигна до конечни 6-2, обезбедувајќи си пласман во осминафиналето.

Во следната рунда, најдобриот светски тенисер ќе се соочи со Канаѓанецот Денис Шаповалов, во обид да го продолжи походот кон уште еден грен-слем трофеј.