Времето денеска ќе биде променливо облачно и свежо со повремени врнежи од дожд, информира Управата за хидрометеоролошки работи (УХМР).

Во попладневните часови локално врнежите ќе бидат поројни и пообилни (над 20 литри на метар квадратен), проследени со појава на грмежи и засилен со ветар. Во текот на денот ќе дува умерен, а вдолж Повардарието повремено засилен ветар од југоисточен правец.

Минималните утрински температури ќе се движат од 8 до 18 степени Целзиусови, а максималните ќе достигнат од 16 до 24 степени Целзиусови.

Во Скопје, променливо облачно со повремени врнежи од дожд.

Во делови од котлината попладне ќе биде нестабилно со пороен дожд и со услови за појава на грмежи.

Ќе дува умерен, повремено засилен југоисточен ветар.