Maкедонскиот кошаркари денеска го играат натпреварот од претпоследното коло во квалификациите против Естонија во кој ни е потребна победа од најмалку пет поени разлика за да ги задржиме шансите за пласман и во последното коло во кое ќе играме против Полска.

По првото полувреме во кое не го започнавме најдобро, сепак успеавме да дојдеме до предност на полувремето од еден поен разлика.

Домаќините подобро го отворија натпреварот и во првата четвртина констатно Естонците беа во водство, иако нашиот селектор со право се пожали на грубата игра на домашните кошаркари врз нашите најдобри поединци Ти-Џеј Шортс и Ненад Димитријевиќ.

Токму тие двајца беа и најрасположени и не дозволуваа Естонија да се „одлепи“. По првиот период  Естонија водеше со 22:17.

Стартот од вториот период донесе подобра игра на нашите кошаркари, па така со една тројка на Шортс во 12. минута стигнавме и до израмнување (24-24). Набрзо потоа Шортс беше прецизен и од линијата за слободни фрлања за прво водство на Македонија во натпреварот (24-26).

Во минутите до крајот на првиот двете селекции се менуваа во водството, а на крајот Македонија со забивањето на Маслинко во последните секунди обезбеди водство со 38:39. Најефикасни во нашите редови се Шортс и Димитријевиќ со по 13 поени, додека Маслинко има осум.