Вардар е активен на ракометниот „пазар“ со цел максимално биде подготвен за новата сезона во Лигата на шампионите.

Станува збор за Аркадиуш Морито, полско десно крило кое до сега ги бранеше боите на Виве Келце.

Морито пред да се пресели во Келце, беше дел од помалку звучните екипи Гдањск и Заглебје Лубин, а за полската репрезентација има 43 настапи и 179 голови.

Моментно тренерот Писонеро на оваа позиција ги има на располагање Мартин Поповски, Иван Чупиќ и Данил Шишкарев.

Претходно „црвено-црните“ ги ангажираа летонскиот голман Кугис, руските репрезентативци Горпишин и Атман.

Воедно Скубе и Гедбан ги продолжија своите договори со клубот, а се шпекулира и доаѓањето на бразилскиот пивот од Висла, Хозе Толедо.