Претседателот на Полска, Андреј Дуда, најави дека нема да присуствува на комеморацијата во Израел, по повод 75 годишнината од ослободувањето на логорот на смртта Аушвиц.

Нема да присуствува бидејќи во таа прилика нема да му биде дозволено да зборува, за разлика од претседателот на Русија и Германија.

Дуда не е на листата на говорници на Светскиот форум на Холокаустот, кој ќе биде одржан на 23 јануари во Ерусаилм, кадешто се наоѓа Меморијалниот центар на Холокаустот.

Тој изрази загриженост поради неодамнешните изјави на претседателот на Русија, Владимир Путин, во кој се сугерира дека Полска е делумно одговорна за Втората светска војна.

Војната официјално почнала во септември 1939 година, кога нацистичка германија ја нападнала Полска.

Набрзо потоа Советскиот сојузи анектирал дел од источна Полска во склоп на пактот за ненапаѓање со нацистичка Германија.