Полските пратеници синоќа гласаа за новиот закон со кој, според опозицијата, се обидува да се замолчи американскиот информативен канал што ја критикува владата, пренесува Тајмс.

Вашингтон предупреди дека доколку не се обнови лиценцата за ТВН24 на Дискавери груп, идните инвестиции во Полска би можеле да бидат доведени во прашање, додека опозициските политичари го критикуваат законот како напад врз медиумските слободи.

„Денешното гласање е напад врз слободата, напад врз медиуми што се независни од владата”, коментираше на Твитер Гргегорж Шетина, портпарол на главната опозициска партија, Граѓанска платформа.

Dzisiejsze głosowanie nad #lexTVN to zamach na wolność, zamach na niezależne od władzy media. Polska staje się krajem, gdzie bezkarnie łamie się demokrację, praworządność, niszczy prawa mniejszości i wolne media. To walka o wszystko,co najważniejsze. Dla nas i następnych pokoleń.

— Grzegorz Schetyna (@SchetynadlaPO) August 11, 2021

Предлог-законот, со кој се заострува забраната за компании надвор од Европскиот економски простор да ги контролираат полските телевизии, беше усвоен со 228 гласови „за”, 216 „против” и 10 воздржани. Законот сега ќе оди на усвојување во Сенатот.

Илјадници Полјаци ширум земјата завчера протестираа против задушувањето на медиумските слободи.

„Дали сакаме полските медиуми да бидат купени од некого од светот, без никакви регулативи, без никакви пречки?”, запраша премиерот Матеуш Моравиецки пред новинарите.

Полска: Протести против закон со кој се задушува независноста на медиумите