Полска и балтичките држави Литванија, Летонија и Естонија ќе се повлечат од меѓународниот договор во Отава за забрана на употреба на противпешадиски мини, се вели во денешното заедничко соопштение на четирите земји кои граничат со Русија, во кое ја наведоа потребата за зајакнување на нивната одбрана по инвазијата на руските сили во Украина.

Повлекувањето од договорот од 1997 година, кој го ратификуваа или пристапија преку 160 држави, ќе им овозможи на овие земји повторно да започнат со складирање на мини.

„Со оваа одлука испраќаме јасна порака: нашите земји се подготвени и можат да ги искористат сите неопходни мерки за одбрана на нашата територија и нашата слобода“, се вели во соопштението на министрите за одбрана на четирите земји.