Исчезнувањето и смртта на 33-годишната Сара Еверард во Велика Британија привлече големо светско внимание. Според извештаите на британските медиуми, нејзиното момче прв го пријавил исчезнувањето на младата Сара. Тој ја алармирал полицијата откако таа не се појавила на работа и не успеал да стапи во контакт со неа.

Сара Еверард работела во маркетинг фирма. Исчезна вечерта на 3 март кога се враќала дома од посета на пријател во Брикстон.

Нејзиното тело беше пронајдено една недела подоцна во шума во близина на Ешвард, Кент.

Полицијата го уапси полицаецот Вејн Казнс (48), кој е обвинет за киднапирање и убиство, а според последните информации, ќе му се суди во октомври.