Лондонската полиција денес објави дека уапсила 150 лица на протест во поддршка на забранетата организација „Палестинска акција“.

Демонстрантите се собраа попладне пред плоштадот во Вестминстер, а протести имаше и во Белфаст и Единбург, јавува Скај њуз.

Според полицијата, првите апсења биле извршени само 12 минути по почетокот на протестот.

„Палестинска акција“ беше забранета и опишана како терористичка организација од 5 јули, а поддршката за групата е сега нелегална.

Демонстрантите поминале покрај контрадемонстрантите, поради што полицијата била распоредена за да ги раздели групите.

Полицијата истакна дека демонстрациите мора да завршат до 17:30 часот и дека изразувањето поддршка за забранета организација претставува кривично дело според Законот за тероризам.