Тетовската полиција вчеравечер ги пронајде дванаесетте планинари кои се загубија на Шар Планина.

-Синоќа во 22:10 часот над село Пршовце, тетовско, по преземени мерки и организирана потрага, полициски службеници од СВР Тетово во добра здравствена состојба ги пронајдоа 12-те планинари од селата Боговиње, Лисец, Раковец, Пршовце и Тетово, за кои во 21: 30 часот А.Р. од тетовско Боговиње пријави дека не можел да стапи во контакт со нив, соопшти денеска МВР.

Планинарите во текот на денот заминале во планината над село Пршовце за да одат до место викано „Доброшки езера“, а последната локација од каде контактирале била кога се наоѓале кај „Три Чешми“ во близина на границата со Косово. Лицата биле пренесени во Клиничката болница Тетово на преглед.