Покетино: Претседателот и спортскиот директор беа јасни, Мбапе е наш играч
ПСЖ на дебито на Лионел Меси во францускиот шампионат триумфираше на гостувањето кај екипата на Ремс со резултат 0:2.
Препорачано
Стрелец на головите беше Килијан Мбапе, репрезентативецот на „триколорите“ кој во изминатиот период доста се поврзуваше со заминување од парискиот клуб.
Досега наводите беа дека Мбапе има желба да го облече дресот на Реал Мадрид кој воедно покажува интерес да го ангажира 22-годишниот напаѓач.
Но, тренерот на ПСЖ, Маурисио Покетино е убеден дека моментно еден од најдобрите фудбалери на планетата ќе остане во клубот од „Паркот на принцовите“ со кој да потсетиме има уште една година од договорот.
– Килијан Мбапе е наш играч, знаете дека фудбалската индустрија е полна со гласини. Нашиот претседател и спортски директор беа јасни. Тој е со нас. Многу сум среќен. Еден од најважните играчи во светот – рече Покетино по мечот со Ремс.
PSG manager Mauricio Pochettino to @pvsportfr: “Kylian Mbappé is our player, you know the football industry is full of rumours. Our president and sporting director have been clear. He is with us. I am very happy. One of the most important players in the world”. ??? #Mbappé
— Fabrizio Romano (@FabrizioRomano) August 29, 2021
