Денеска во литванскиот град Каунас ќе стартува Фајнал-фор турнирот во Евролигата, од 17.00 часот е првото полуфинале помеѓу Олимпијакос и Монако, а три часа подоцна е кошаркарското „Ел Класико“ Барселона – Реал Мадрид.

Реал Мадрид е најтрофејниот кошаркарски клуб на Стариот континент, со 10 титули, потоа Олимпијакос има три, а Барселона две.

Монако, кој нема голема кошаркарска историја, ќе го брка својот прв евролигашки пехар. Овој француски клуб единствено може да се пофали со трофејот во Еврокупот освоен во 2021 година.

– Имавме тешка сезона, но сега сè се сведува на овој меч со Барса. Нема потреба да се навраќаме на она што се случуваше – повреди, статистика, анализи… Завршниот турнир е нешто сосема друго, тука сите тимови доаѓаат да ја освојат титулата. Никој не сака да биде само учесник на Ф4 – вели тренерот на Реал, Чус Матео.

Евролига, Ф4

Денеска, двојки –
17.00 часот Олимпијакос – Монако
20.00 часот Барселона – Реал Мадрид