Граѓанската иницијатива „Гласот на народот“ покрена петиција за разрешување на првиот вицепремиер Артан Груби и на сите министри од ДУИ, од кабинетот на премиерот Димитар Ковачевски. Граѓаните на прашањето може да одговорат на македонски, албански и на англиски јазик.

Петицијата за разрешување на министритеја за „Слободен печат“ ја најави предводникот на „огнените“ и потпретседател на ДУИ Изет Меџити. Сопартиецот Муса Џафери пак, ги предизвика Груби и министерот за финансии Фатмир Бесими на телевизиско соочување.

„Ахметистите“ засега не ги коментираат ниту петицијата, ниту фрлената ракавица за ТВ дебата. Тие почнаа кампања „Тој доаѓа“, за која се уште не откриваат на што се однесува. Шефот на дипломатијата Бујар Османи само изјави дека кампањата не е за предвремени избори, ни за премиер Албанец и дека деновиве ќе обелоденат што значи новата кампања.