Владо Правдиќ, клавијатурист на „Бијело дугме“, починал синоќа во Сплит. Неговиот близок пријател ја потврдил тажната вест за „Аваз“. Владо починал во пресрет на својот 74-ти роденден кој требал да го прослави на 6 декември, а последните месеци се борел со тешка болест.

Владо е роден во Сараево, а на шестгодишна возраст почнал да учи да свири пијано. По завршувањето на средното музичко училиште студирал физика. Тој во својата музичка кариера свирел со „Амбасадори“, „Индекси“ и „Бијело Дугме“.

Неговиот прв сериозен музички ангажман бил со „Амбасадори“, со кои свирел седум месеци. Потоа се приклучил на „Индекси“ во пролетта 1971 година, заменувајќи го Ранко Рихтман, кој ја напуштил групата.

Владо Правдиќ бил во составот на „Индекси“ до 1973 година, кога се префрлил во групата „Јутро“, тогашното име на групата „Бијело дугме“. Правдиќ свирел на првите два албуми на легендарната група.

По турнејата во 1987 година, Владо Правдиќ го напушта „Бијело дугме“ и се повлекува од музиката, но уште неколку пати настапувал со групата на големи концерти. Со години живеел во Америка, но последните години од својот живот ги поминал во Сплит.