Познатиот британски рок-музичар Стив Харли почина на 73-годишна возраст од рак. Фронтменот на групата „Кокни ребел“ почина во својот дом во Сафолк, објави „Индипендент“.

Стив Харли, најпознат како автор на песната „Make Me Smile (Come Up and See Me)“, од 1975 година, работеше до самиот крај на својот живот. Со бендот активно свиреше до јануари оваа година, но потоа беше принуден да ги откаже концертите поради болеста.

Во средината на февруари, менаџерот на Харли објави на социјалните мрежи дека се надева дека музичарот ќе работи подобро следната година.

„Поради хемотерапија, Стив нема да може да свири до крајот на 2024 година. Се надева дека следната година ќе биде многу подобра и порачува благодарност за топлите зборови и добрите желби за опоравување“, пишува во соопштението.

Стив Харли е роден во 1951 година во Депфорд, а со групата „Кокни ребел“ ги постигна своите први успеси во првата половина на седумдесеттите, комбинирајќи глам-рок со поп музика. Оригиналната постава на групата ги вклучуваше и Жан Пол Крокер, Стјуарт Елиот, Пол Џефрис и Ник Џонс.