Бајката на германскиот фудбалски клуб Баер Леверкузен полека се ближи кон крајот, бидејќи заедно со Чаби Алонсо, кој се почесто го поврзуваат со Реал Мадрид, има информации дека би можеле да си заминат и врвните ѕвезди.

Сега меѓу нив е и Џереми Фримпонг, кој на крајот на сезоната планира да го напушти Леверкузен.

Медиумите во Германија пренесуваат дека неговиот сон е да игра за Реал Мадрид или Барселона, но дека опција е и Премиер лигата.

Реал Мадрид има други планови, го посакува Трент Александер-Арнолд, додека на Барселона не му е приоритет ниту скапиот десен бек, туку е алтернатива за Жил Кунде.

Фримпонг има 24 години, но не е баш класичен десен бек, бидејќи е многу офанзивен и досега најдобро се вклопи во системот на Алонсо, каде што играше како крило.

Инаку, Фримпонг порасна во Манчестер сити, но никогаш не доби вистинска шанса, па како тинејџер го напушти „Етихад“ во Селтик во летото 2019 година. После тоа, во зимата 2021 година, Баер го купи за 11 милиони евра. Моментно е проценет на 50 милиони евра, колку што се очекува да добие Леверкузен за неговиот потпис.