Победа на таеквондистот Георгиевски во првото коло на Светското првенство во Гвадалахара
Најдобриот македонски таеквондист, Дејан Георгиевски во првото коло на Светското првенство во Гвадалахара, Мексико го совлада Валтер Салдариага со резултат 8:5 (2:0) во категоријата +87 килограми.
Препорачано
Нашиот натпреварувач беше многу подоминантен во текот на целата борба против Колумбиецот. Имајќи во предвид дека има уште борби до финалето, умно и во тактичка одлична борба нашиот натпреварувач се штедеше за следните борби и пружи колку што треба за да го победи својот противник.
Во 1/16 финалето, Георгиевски ќе се бори против Жаоксианг Сонг од Народна Република Кина. Борбата на распоред е во 22.24 часот по македонско време.
Од другите наши таеквондисти, Филип Додевски во категоријата 87 кг. беше на чекор до медал на СП, но загуби со 4:5 од Узбекистанецот Никита Рафалович.
Во женска конкуренција во категоријата 62 кг. Мила Рељиќ во осминафиналето загуби од светската вицешампионка Петра Столбова (Чешка). Во нејзиното деби на СП за сениори освои 21,17 поени за светската и олимписка ранг листа.
