Единствениот бар без алкохол во Манчестер, Англија се затвора поради слаба посетеност по помалку од една година работа.

Сопственикот на барот, кој беше отворен во центарот на Манчестер во јануари под името „Love from“, рече дека неговата цел била да се обиде да ја промени перцепцијата за британската култура на пиење нудејќи им на посетителите ново искуство во ноќниот живот без алкохол.

Карл Консидин (39) за „Тајмс“ изјавил дека барот првично поминал добро бидејќи бил отворен за време на таканаречениот „сув јануари“ кога се проценува дека околу 8,5 милиони Британци се воздржувале од алкохол.

Сувиот јануари е месец кога, по декемвриските празнични претерувања, многумина доброволно престануваат да пијат алкохол и сакаат да влезат во новата година трезвени, бистри, освежени и поздрави.

Во својот бар нудел безалкохолни коктели за седум и пол фунти и безалкохолно пиво за шест фунти за половина литар. Но, како што одминувала годината, бројот на гости почнал да се намалува.

„Многумина дури и го продолжуваат ‘сувиот јануари’ бидејќи веќе по еден месец без алкохол се забележуваат придобивките што ги видовме и кај нашите гости. Но, со потоплото време, луѓето претпочитаат да пијат на отворено. Така забележавме дека блиските локали беа полни додека ние бевме празни. Тоа беше особено видливо за време на фудбалското првенство, кога повеќето локали околу нас беа полни, за разлика од нашите“, овјаснува Карл.

Карл рече дека очекувал интерес од многу помлади посетители, особено членовите на генерацијата Зет, но дека тоа не се остварило.

Затоа тој најави затворање поради финансиски тешкотии и силната конкуренција во центарот на градот. И покрај затворањето на барот, Карл останува посветен на промовирање на животниот стил без алкохол преку поп-ап настани на фестивали, корпоративни настани и свадби.

„Дознавме дека, всушност, има растечки тренд на безалкохолни пијалоци во кафулињата и баровите, но не мора целосно да се откажете од алкохолот“, заклучил тој.

@love.fromco Wahoo what a week! So many people turned up to see us last week. Alcohol free doesn’t mean boring! ? #alcoholfreebar #alcoholfreedrinks #alcoholfreejourney #soberoctober #alcoholfree #sobercurious #sober ♬ Rain On Me – Lady Gaga & Ariana Grande