Селекторот на фудбалската репрезентација на Македонија, Игор Ангеловски за претстојниот натпревар ов Лигата на нации против Грузија, дополнително повика пет нови фудбалери.

Ангеловски за натпреварот кој ќе се игра во среда (20.45 часот) на Националната Арена „Тодор Проески“ ги повика Љупчо Дориев, Енур Тотре, Дарко Мицевски, Томе Китановски кои настапуваат во првата лига како и младинскиот репрезентативец Агрон Руфати.

Селекторот се одлучи на ваков потег поради проблемите со повредите и суспензијата со кои се соочуваат репрезентативците. Егзон Бејтулаи, Кристијан Тошевски и Аријан Адеми, Стефан Спировски се повредени, додека Висар Муслиу е суспендиран исто како и Енис Барди, а Ферхан Хасани е ослободен од обврските.