Британската принцеза Ана (73), сестрата на кралот Чарлс Трети, не се сеќава што се случило и како ја добила повредата која завршила во болница.

Како што објави „Дејли мејл“, таа се опоравува во болница по несреќата.

Прва помош ѝ била укажана на лице место, а прв ѝ помогнал нејзиниот сопруг Сер Тимоти Лоренс.

Да потсетиме, принцезата Ана се здобила со полесни повреди на главата, поради што ѝ биле откажани сите претходно закажани обврски, вклучително и работната посета на Канада планирана за четврток.

„Принцезата Ана претрпе полесни повреди и потрес на мозокот по инцидентот во Геткомб Парк Естејт вчера вечерта“, соопшти Бакингемската палата.

Британскиот крал е информиран за повредите на принцезата Ана и, заедно со останатото семејство, ѝ посакува „брзо закрепнување“.