Вицепремиерот и министер за транспорт и врски Александар Николоски најави дека од наредната година ќе почне да се развива проект „Купи куќа за млади“.

– Сакам да најавам дека од следната година, тоа е во суштина за нешто помалку од два месеци од сега, ќе почнеме да го развиваме проектот „Купи куќа за млади“. Овој проект треба да овозможи на многу млади брачни двојки да се стекнат со свој дом по исклучително поволни услови. По Нова година ќе излеземе со конкретни информации во кои општини и под кои услови младите ќе може тоа да го направат – најави денеска Николоски.