Ова не е проблем само на едно училиште во Србија, туку на целото општество, да им се даде на наставниците статус на службени лица, побара Синдикатот на просветните работници на Србија, во врска со случајот со насилничкото однесување на учениците кон професорката во Трстеник, објави Нова.рс.

Јасна Јанковиќ од Синдикатот на просветните работници вели дека „сигурно не дојдовме во ваква состојба преку ноќ, ниту пак ќе се реши преку ноќ“. Тоаа посочува дека нема апче против насилство, и дека „постојано велиме дека мора да имаме нулта толеранција за насилство, но насилството го толерираме.

„Најпрвин се раѓа врсничко насилство, бидејќи врсниците ги мерат силите меѓу себе, а кога ќе го надминат тоа, тогаш ги напаѓаат и наставниците, па дури и родителите“, вели Јанковиќ.

На прашањето како може да бидат казнети учениците кои ја малтретирале наставничката, таа изјави дека веќе е поведена дисциплинска постапка.

Užas u Trsteniku, maltretiraju nastavnicu i izmiču joj stolicu. pic.twitter.com/zLKDe2KXuB

— krunskisvedok (@noviput) November 16, 2022

Таа додава дека доколку некој нејзин колега направел нешто слично, ќе добиел отказ.

„Ова не е проблем само на едно училиште во Србија, тоа е проблем на целото општество. Тој ученик утре ќе го напушти училиштето и нема да се смени“, вели таа.

И порано Синдикатот на просветните работници на Србија има предложено просветните работници да имаат статус на службени лица.

„Тоа би значело дека ако некој се осмели да нападне наставник, тоа би значело напад врз државата, исто како да е нападнат полицаец или војник“, објаснува Јанковиќ.

На социјалните мрежи се појави видео на кое се гледа како ученици се изживуваат врз наставничка, малтретирањето го снимиле со мобилен.

Ученик ѝ приоѓа на млада професорка во средно училиште од од зад грб, го извлекува столчето на кое седи, по што таа завршува на подот, додека друг сето тоа го снима, а учениците се смеат.

ВИДЕО: Во Србија ученици се изживуваат врз наставничка, малтретирањето го снимиле со мобилен