Потомците на Малколм Икс, контроверзниот и харизматичен водач на движење за граѓански права, кој беше убиен пред речиси 60 години во Њујорк, денеска поднесе тужба од 100 милиони долари пред федералниот суд, обвинувајќи ги ФБИ, ЦИА и Њујоршката полиција дека дозволиле да се изврши убиството.

Тужбата ја поднела ќерката на Малколм Икс, Илјаса Шабаз, заедно со нејзината сестра и други членови на семејството, а во документот се наведува дека државните агенции за спроведување на законот прикриле докази кои откриваат дека знаеле дека постои план да го убијат, но не направиле ништо за да го спречат тоа, пренесува „Ен-би-си“.

„Веруваме дека сите тие биле вклучени во заговор да го убијат Малколм, еден од најголемите мислители на 20 век“, рече Бен Крамп, адвокат за човекови права кој го застапува семејството.

Обвинението за убиство беше објавено во меморијалниот центар на местото во Њујорк каде што Малком беше убиен во февруари 1965 година.

Целта на тужбата е да се одговори на прашања поврзани со атентатот и да се претстави точна историја на настаните, рече Крамп.

Малколм Икс станал познат како национален портпарол на Нацијата на исламот, афро-американска муслиманска група која ја застапуваше црната сепаратистичка идеологија. По повеќе од една деценија во таа група, тој јавно се одвоил од неа во 1964 година.

По ова и патувањето на аџилак во Мека, Малколм Икс ги ублажил некои од неговите претходни екстремни ставови за расното одвојување, што ги налутило некои членови на Нацијата на исламот и довело до смртни закани. Член на организацијата на суд признал дека бил еден од тројцата напаѓачи, но низ децениите постојано се шпекулираше за вмешаност на властите во атентатот.