Полицијата во Лас Вегас, САД уапси осомничен за убиството на раперот Тупак Шакур во 1996 година.

Имено, Дуан „Кефе Д“ Дејвис бил приведен утрово, по локално време, но сѐ уште не се познати детали.

Според новинската агенција „Асошиејтед прес“, Дејвис одамна им бил познат на инспекторите и самиот признал во интервјуата и во своите мемоари „Compton Street Legend“ (2019) дека бил во Кадилак кога се случило пукањето во септември 1996 година.

Легендарниот хип-хоп артист загина на 25-годишна возраст.

По неговата трагична смрт, се појавија многу теории на заговор, меѓу кои и онаа дека отпатувал да живее во Куба и дека ќе се врати. Сепак, неговото единствено „појавување“ беше пред единаесет години на фестивалот „Коачела“, кога се „појави“ на сцената во форма на холограм.