Пласманот на Светското првенство отсекогаш бил причина за радост кај нациите, а во Парагвај сега и официјално може да слави. Репрезентацијата предводена од селекторот Густаво Алфаро успеа по 16 години повторно да се избори за учество на Мундијал и тоа за турнирот што ќе се одржи во САД, Мексико и Канада во 2026 година.

Во натпревар без голови против Еквадор, одигран во Асунсион, Парагвајците успеаја да го освојат потребниот бод кој им ја потврди визата за најголемиот фудбалски собир. За Парагвај овој настап ќе биде вкупно деветти во нивната историја.

Претседателот на Парагвај, Сантијаго Пења, донесе одлука која само ја зголеми еуфоријата и уште веднаш по вчерашниот нтпревар порача дека денешниот ден ќе биде неработен за целата држава.