Во саботата во рамките од 20 коло во Првата македонска фудбалска лига (ПМФЛ) екипата на Вардар на гостински терен со 2:0 го совлада актуелниот првак Струга.

Немаше погодоци во текот на првото полувреме, но во второто скопските „црвено-црни“ стигнаа до важни бодово во трката да се обезбеди опстанок во елитата.

Првиот гол за Вардар го реализираше босанскиот интернационалец Горан Закариќ во 68 минута од средбата.

Конечниот епилог на овој меч беше поставен од страна на интернационалецот од Уганда, Роџерс Мато во 82 минута.

На прволигашката табела Вардар е на деветтото место со 16 бодови после четвртата победа оваа сезона, додека Струга која го доживеа шестиот пораз е на петтата позиција со 32 бодови.

Во следното коло на 2 март Струга ќе му гостува на Силекс, додека истиот ден Вардар ќе го пречека тимот на Беса 1976.