ПМФЛ: Струга убедлива во Ѓорче, Вардар славеше во градското дерби против Работнички
Денеска во градското дерби од 11 коло во Првата македонска фудбалска лига екипата на Вардар славеше минимално со 0:1 против Работнички. Стрелец на единствениот гол за „црвено-црните“ беше Мицевски од пенал во 77 минута на стадионот „Борис Трајковски“ во Маџари, Скопје.
Препорачано
Со истиот резултат Шкупи на стадионот Башкими го совлада составот на Брегалница со голот на Илиески во петтата минута. Штипските „сини“ имаа шанса да го избегнат поразот, но во 35 минута непрецизен од белата точка беше Велкоски.
Силекс со 1:0 со погодокот на Ристовски во 80 минута дојде до победа против Тиквеш. Марушиќ во 65 минута донесе предност за Воска Спорт, но Гостивар во финишот дојде до бод со погодокот на Потук (90+1`).
Немаше победник ни на мечот Шкендија – Брера Струмица (1:1). Гостите први беа во позитива преку Антонио во 75 минута, но клубот од Тетово само четири минути подоцна дојде до реми со голот на Шала.
Најубедлив беше актуелниот шампион Струга кој со 0:3 го надигра тимот на Македонија ЃП. Стрелци на головите беа Згуро во третата, Мазрекај во 38 и Ибраими во 81 минута.
ПМФЛ
11 коло, резултати –
Гостивар – Воска Спорт 1:1
Македонија ЃП – Струга 0:3
Работнички – Вардар 0:1
Шкендија – Брера Струмица 1:1
Шкупи – Брегалнциа Штип 1:0
Силекс – Тиквеш 1:0
Табела: Шкендија 24 бодови, Шкупи 22, Струга 21, Силекс 19, Брера Струмица 15, Тиквеш 14, Работнички 13, Брегалница Штип 13, Македонија ЃП 11, Воска Спорт 11, Гостивар 11, Вардар 8.
