Фудбалерите на Силекс не успеаа да се вратат на победничките патеки, откако денеска на свој терен беа поразени од Струга ТЛ со 1-3, што за нив беше втор последователен пораз во првенството.

Гостите од Струга го отворија мечот агресивно и рано ја најавија победата, уште во 8. минута Компаоре ја затресе мрежата на домаќините. Предноста беше удвоена во 33. минута, кога Мемертиза Хамза со прецизен и убав погодок од слободен удар донесе 0-2 за гостите.

Силекс успеа да намали на 1-2 во финишот на првото полувреме преку Хрвановиќ, што внесе мала надеж кај домашната публика. Но, продолжението на натпреварот мина во мирна и израмнета игра без многу шанси, сè до судиското надополнување, кога Шабан Зенку го постигна својот прв гол во дресот на Струга и ги постави конечните 1-3.

Со оваа победа, Струга се искачи на врвот на табелата, каде сега има ист број бодови (19) како и Вардар.

Во вториот денешен натпревар, Брера успеа да запише домашна победа над Арсими со 2-1 и ги освои вредни три бода во борбата за подобар пласман.

Преземено од Спорт.ком.мк