Во првиот натпревар од 26. коло од македонската прва лига Силекс и Гостивар одиграа без голови 0:0. Првото полувреме помина без многу шанси бидејќи двата тима повеќе мислеа на својот, отколку на противничкиот гол.

Гостите во второто полувреме имаа неколку добри прилики, но одличен на голот беше Божиновски.

Во самата завршница во 88. минута Билали со прекршок пред шеснаесетникот го запре Ѓоргиевски, а главниот судија на натпреварот му додели директен црвен картон.

Утре на програмата од ова коло се уште пет натпревари од ова коло и тоа:

Брегалница – Шкупи
Македонија Ѓорче Петров – Шкендија
Тиквеш – АП Брера
Вардар – Струга Трим Лум
Воска – Работнички