Американскиот истражувач Фред Рамсдел, еден од тројцата добитници на Нобеловата награда за медицина оваа година, дознал за престижната награда дури по 12 часа откако ја добил бидејќи неговиот телефон беше во режим на летање затоа што во моментот на доделување на наградите планинарел и немал мрежна конекција.

Тој за „Њујорк тајмс“ изјавил дека вчера бил во природа на северозапад од САД, додека организаторите на Нобеловата награда, медиумите и пријателите залудно се обидувале да го контактираат.

Конечно дознал дека ја освоил најпрестижната награда, благодарение на неговата сопруга, со која планинареле. Нејзиниот телефон бил полн со пораки што ги видела дури кога повторно добила сигнал.

„Њујорк тајмс“ објави дека Фред Рамсдел потоа се обидел да го повика генералниот секретар на Нобеловиот комитет, Томас Перлман, но веќе било предоцна навечер во Шведска и не разговарале до утрово.

Мери Е. Бранкоу, Фред Рамсдел и Шимон Сакагучи се добитници на овогодинешната Нобелова награда за медицина, за откритија за „периферната имунотолеранција“, објави вчера Институтот Каролинска во Стокхолм.

„Периферната имунотолеранција“ е механизам со кој телото „се осигурува“ дека имунолошкиот систем не е нарушен и ги напаѓа сопствените ткива наместо странските напаѓачи, со што се спречуваат автоимуни болести и алергии.

64-годишниот Рамсдел е научен советник за Сонома Биотерапевтикс во Сан Франциско, кој за АФП изјави дека „ужива во животот“ на тринеделна планинарење „без мрежа“ со придружник во планините на Ајдахо, Вајоминг и Монтана.

Тој за Њујорк Тајмс изјави дека се обидува да помине што е можно повеќе време во планината и дека е благодарен и почестен од наградата и едвај чека да ја сподели со своите колеги.

Нобеловиот комитет не може да контактира добитник на наградата зашто е на планинарење