Како што соопштуваат од пливачкиот клуб „ЈУГ“, нивните натпреварувачи имаа успешен настап на меѓународниот пливачки митинг, Охрид 2021.

На овој пливачки митинг учествуваа вкупно 24 клубови од Македонија, Србија, Албанија и Косово.

Од ПК „ЈУГ“ учество зедоа девет пливачи во машка конкуренција и освоија 11 медали.

Со освоени медали може да се пофали и ПСК Челични Штип, Методи Георгиев освои бронза на 50 метри слободно, а сребро во дисциплините 50 делфин и 100 делфин, додека Вероника Зашевска освои злато на 100 делфин, додека на 50 м делфин дојде до сребрениот медал.

Како што информираше и Градоначалникот на Општина Охрид, Константин Георгиески, меѓународниот пливачки митинг „Охрид Опен 2021“ кој за првпат се одржа во Охрид, е од големо значење за развој на водените спортови и унапредување на спортскиот туризам во тој град.

Организатор на настанот беше клубот „Акваспирит“ со поддршка на Општина Охрид.