Ана Писонеро/Фото: МИА

Писонеро: Оценската мисија на ЕК ќе помогне во зајакнување на транспарентноста на Судскиот совет

Портпаролката на Европската комисија, Ана Писонеро вели дека се загрижени за последните случувања во правосудството, особено во Судскиот совет и за таа цел испраќаат оценска мисија која денеска ќе почне со работа и ќе предложи краткорочни и среднорочни мерки со цел да се зајакне независноста на судството. Во Македонија денеска и утре ќе престојува лидерот на тимот на оценската, Бранко Хрватин, поранешен претседател на Врховниот суд на Хрватска.

Во изјава за МИА, Писонеро појаснува дека Советот треба да се залага за заштита на интегритетот и независноста на судиите и институциите и да биде заштитен од несоодветно влијание.

Со оглед на најновите случувања поврзани со Судскиот совет, Комисијата ќе испрати мисија за оценување на работата на Судскиот совет и неговата правна рамка, со цел дополнително да се зајакне транспарентноста, независноста и кредибилитетот на Советот, вклучително и на неговите членови, вели Писонеро.

Оценската мисија на ЕУ од утре ќе ја следи работата на правосудниот систем во земјава

Со денешното пристигнување на Хрватин официјално ќе биде означен почетокот на нејзината работа.

Прво ќе се идентификува обемот на работа што ќе ја врши оценската мисија, а работата ќе биде комплетирана од експерти од земјите-членки на ЕУ, кои во септември ќе ја посетат земјава.

Писонеро додава дека Комисијата внимателно ја следи ситуацијата во земјава во врска со спроведувањето на реформите поврзани со ЕУ и за тоа дава оценка во своите годишни извештаи за проширувањето.

Тие, исто така, темелно се адресирани во скринингот, како дел од процесот на пристапни преговори. Скринингот треба да се искористи во целиот потенцијал за да се забрзаат ЕУ реформите, додава Писонеро.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот