Пипен, на прашањето кој е најдобриот на сите времиња, Џордан или Леброн, одговорил: Меџик Џонсон
Шесткратниот шампион во НБА лигата не фаворизира ниеден од двајцата кошаркари кои најчесто се споменуваат кога се зборува за најголемиот на сите времиња
Скоти Пипен (59) беше дел од легендарната екипа на Чикаго булс која на чело со Мајкл Џордан освои шест титули во НБА лигата во деведесттите.
Препорачано
– Кога ме прашувате кој е подобар, Леброн или Мајкл, не можете да ме прашате кој е најдобриот на сите времиња, Леброн и Мајкл. Ниту еден од нив не е тоа, тие двајцата се различни, не можете да ги ставите на врвот. Меџик Џонсон е најголемиот на сите времиња, поради тоа како го водеше целиот тим, како кога најголемиот стрелец во кошарката, Карим, го немаше, тој како дебитант, влезе и играше позиција на која никој не ни знаеше дека може да игра, што го надминува она што можете да го направите како играч – изјави Пипен.
Револуционерниот плеј од 2,06 метри, кој ја помина целата кариера во Лос Анџелес Лејкерс, Меџик Џонсон, освои пет титули и три МВП трофеи. Тој се смета за еден од најдобрите асистенти на сите времиња и е заслужен за голема промоција на НБА лигата во 1980-тите, благодарение на неговото ривалство со Лери Бирд и Бостон Селтикс.
Веројатно најпознатиот спортист во светот во 1990-тите, Мајкл Џордан освои шест титули во НБА и пет МВП награди за време на неговата блескава кариера.
Леброн Џејмс (Лејкерс) кој и понатаму е активен во НБА на 40-годишна возраст, освои четири титули и четири МВП награди, а истовремено стана и најдобриот стрелец во историјата на лигата.
