Иако е редовен ТВ аналитичар и гостин во кошаркарските емисии, Скоти Пипен во постојано се воздржуваше да коментира за документарниот филм посветен на Мајкл Џордан и шамионската генерација на Чикаго „Последниот танц“.

Според најблиските пријатели, Пипен се повлекол во себе по емитувањето на сите 10 епизоди кои го прикажаа во лошо светло, а во една од нив Џордан дури го критикуваше својот добар пријател поради одлуката да ја одложи операцијата за почетокото на сезоната 1997/98 наместо тоа да го стори за време на летото. Таа одлука Пипен ја донел бидејќи бил разочаран од управата на Чикаго која не сакала да му даде нов договор по далеку поповолни услови.

Сега Пипен конечно проговори на оваа тема и тоа во подкастот „Da Windy City“ и вели дека меѓу него и Џордан е се во ред.
– Мојот однос со Мајкл е одличен, како што и отсекогаш бил. Документарниот филм не го промени нашиот однос, засекогаш ќе бидеме пријатели. Двајцата бевме тимски играчи, така што ја знаеме вредноста на соиграчите – вели Пипен.