Женската одбојкарска пионерска селекција на Македонија загуби со 0:3 (10:25, 12:25, 18:25) од Грција во третиот натпревар од Балканијадата за одбојкарки до 16 години во Плевља.

Нашите пионерки како и на претходните два дуели со Црна Гора и Турција, така и денеска најголем отпор понудија во последниот сет.

Најефикасна во нашата репрезентација беше Андре Митиќ со деветп оени, а шест запиша Ана Дота Олевска.

На спротивната страна се истакна Александра Лампруси со 15 поени, еден повеќе од Евелина Гзунтели.

Репрезентацијата утре има слободен ден, додека во последното коло во понеделник, од 15.30 часот се соочува со Бугарија.