Културен и информативен центар – Битола, поддржан од Општина Битола, а по повод 9 Мај – Денот на Европа, го најави свечениот концерт на маестро Дино Имери, во концертната сала на Палатата на културата – Офицерски дом во Битола.

Овој настан е дел од програмата за одбележување на Денот на Европа на Општина Битола и е прв пијано концерт на концертниот клавир „Bösendorfer“ по пренесувањето во битолскиот Офицерски дом и воедно е промоција на концертната сала во истиот.

На програмата на концертот се дела од Ф. Шопен, Ф. Лист, А. Џамбазов, Д. Имери, М. Завков, С.Н. Ѓумар. Дино Имери (1990) е еден од најреномираните македонски пијанисти. Со огромен успех настапува на престижните сцени низ светот како гостин на врвни оркестри, како рецитален уметник и како камерен музичар.

(Текстот е објавен во „Културен печат“ број 127, во печатеното издание на весникот „Слободен печат“ на 7-8 мај 2022)